Tripura Olympic Association no teibo kwrak khwlaina bagwi yapri naharjakgwi tongo. hasteni joto thwngmungni songstharogno tripura olympic association ni under oh tubujaknai hinwi koktwmao saimankha.joto koklamno twiwi cha salo kokthum panda khwlai kha Tripura Olympic Association ni Chairman Ratan Saha. Rupak Debroy mungwi khoroksa borokbai naikuljak Tripura state Olympic association mungwi kaisa songstha oh raida chayani samung rog wngwi tongmani bagwi tabok jwngjalo kwlaiwi tongna nangkha Tripura Olympic association. haste haphangbai naikuljak Tripura olympic Association hasteni thwngmung rogno twiwi samung khwlaiwi tongo. joto samung rogono jora kisa romwi kaham wngkhari manwi tongkha Tripura olympic Association. cha salo agartala press club oh songsajakmani kaisa kokthum pandao manjakgwi omo hai kheno sakha Tripura Olympic Association ni chairman Ratan saha. kokthum pandao manjakgwo Ratan saha sakha, hasteni thwngmungbai gwdaljak kai nwichi songstha rogni bisingo kai chisa songstha simino tripura Olympic Association bai naikulgwi tongo. ah songstha rog wngkha Football , bedminton , tennis , handball , squash, triathlon, basketball , Gymnastic , Judo tei karate . ah salo ratan Saha sakha , kubuni kai chuku songstha no bo tripura Olympic association ni under oh tubujaknai. amoni bagwi samung khwlaijakgwi tongo hinwi sakha bo. kokthum pandao tripura olympic association ni chairman ratan saha sakha ,kwbangma dalbidalni koklam no twiwi indian olympic assocation ni naikulnai jwk PT Usha ni logio koklam khwlaiwi tongo Tripura Olympic Association ni adongrog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
