Bihik tei bwsa no kubuni bwrwi bagwi khibioi kharwi thangkha bwsai. patimungo Pratapgarh amchaio. kharnai bwsaini mung wngkha Nanda Das. tabok bihik Priyanka Malakar bwsai Nanda das no rotokgwi rina bagwi koktwma thumnai rogni bisingtwi khe lukurogno koimung khwlaikha . Jirania thana bai khobjak SM colony oh tongnai priyanka malakar ni logio 2020 bisio bishalgarh oh tongnai Nanda Das kaijak kha. ajimungni bagwi private malkhung rog chalokgo nanda Das . bihik priyanka malakar no twiwi pratapgarh kabiraj tila oh bara tongo bo. kaijakmani bisi kaisa laimani yagulo borogni bwsabo wngo. kaham no wngwi tongmani priyanka malakar tei Nanda das ni nukhung.jora kisa swkangno pratapgarh ni khoroksa bwrwi bai sinimung wngkha Nanda ni . yagulo borog kwnwi hamjaklai thango.thangnai tal kaisa khaksa swkangno Nanda das ah kubuni bwrwino logi twiwi kharwi thangkha. bwsai no kiphilwi mana bagwi rotokna chengkha bihik Priyanka malakar. phiya mungsabo samung wngliya. kwbangma thanao bo missing dairy khwlaina bagwi thangkha priyanka. phiya thanao bini fir naharjakliya hinwi sakha priyanka. mohila thanaobo thangkha bo phiya aro bo bini fir naharliya kebo. yagulo AD nagarni thanao mamla khwlai rikha priyanka . phiya tabok phanu mungsa koktwma manya kho bwsai nanda das ni. tabok hinkhe mung sa lama nukya wngwi cha salo agartala press club oh phaiwi koktwma thumnai rogni bisingtwi kheb bwsai no rotokgwi rina bagwi koimung khwlaikha bo. koktwma thumnai rogno priyanka sai khwna rikha , bwsai nanda das kharma jorao bini tei bwsa ni joto rangchak ni manwi tei bwsa ni sak naikulna bagwi khati mani 50 thousand rang joto khokgwi kharkha bwsai nanda das. priyanka malakar nanda das rotokgwi tongo hinwi saimanwi bwsai nanda das bono phone rog khwlaiwi dhumki bo rikha hinwi sakha bihik. phainai salo bwsai nanda das bini tei bwsa ni logi jesaphano khwlaiwi mano hinwi kirijakgwi sakha bihik priyanka malakar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
