West-Bengal ni patimungno cherwi nainani bagwi BJP ni hakotor rwk president JP Nadda MP Biplab Kumar Deb ni twidulmung bai khorok bwrwi ni kaisa committee swnamjakha. Phasalo ah committee ni members rok BJP ni hakotor rwk president ni thani reports joma rikha. Phasalo social media ni bising two MP Biplab Kumar Deb swikha, West-Bengal oh trinomool congress ni sipai rok bai chopropjagmani joto reports rokno BJP bodol ni hakotor rwk president JP Nadda ni thani joma rikha. Oh reports oh sakhwlaijakha je, Ganatantra tei haste ni lukorog ni safety ni bagwi montri okra wngwi swmai tangkha Mamta Banerjee. Phiyabha Trinomool haphang ganatantra no norwi thwngrwng habar oh kaisa hamya ni boyer tubukha. Aboni logi reports oh teibu swijakha je, Trinomool haphang kebengnai bodol ni ojama tei sipai rokno choprobwi tongo. Trinomool ni gunda rok bai sikiri sokoro ti chopropjagwi tongmani abo kaisa belai no lachima sinsa patimung. Aboni sai phano teibu lachima sinsa patimung wngkha topsili jatini bwrwi no rompheremani. Khorok sa bwrwi montri okra ni naikolmungo abohai joda wngkhe abo belai no lachima sinsa patimung. Trinomool ni thani bwrwi rokni kono borom kwrwi, borokni thani chongmari oh kwplai wngnani no joto ni sai kotor.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
