Belonia o kwtal animal hospital songsa jakha swrang salo, ah kwtal bhavan no songsai rwkha haste ni malmata tang bedek ni montri Sudhangshu das.
Swrang salo montri Sudhangshu das ni yak baino belonia kwtal animal hospital no songsai rwkha, ah panda o montri Sudhangshu das no karwi bo phawi manjak phaikha south Tripura hangkor parisad ni achugphang Kakali das dutta, MLA jwk Sawpna majumdar, hangkor parisad ni achugphang Bibhishan chandra das, ah panda o kok narugna phuru malmata tang bedek ni montri Sudhangshu das sakha, malmata rok no kaham sep rwna ni bagwi tei kaham naikol mwng rwna ni bagwi kaham khe samwng khwlai tong kha malmata tang bedek. belonia o animal hospital songsai rwmani bagwi ah bwkhaste tei hangkor ni malmata pushi nairok tabuk kaham khe no sep man sinai. sakham nogo malmata ni sak naikol mwng ni logi magnang no bithi rokbo bagwi rwjak nai hwnui sakha montri Sudhangshu das. 2022-23 bisi o sakham nok songsa nani samwng chengwi rwmani, ah sakham nok swnam na bagwi 1 crore 18 lakh rang nagkha hwnui bo sakha montri.
