Swrang salo kwbangma marini phekjaknai manwi eba drugs no hasteo tubui tongmani jorao manjak kha khorok nwi borok. patimung dharmanagar krishnapur amchaio. bebagwi 2 crore rang ni drugs mankha hinwi koktwmao saimankha . swrang sal wngkha world drug day. oh salo no 2 crore rang ni brown sugar no twiwi khorok nwi drugs phalnai no bo rom kha Salgra hangkhorni police rog. Ah salni phungo Dharma Nagarni Krishnapur amchaio naitukmung khwlaiwi borogno romkha police rog. huijak koktwma twi saimankha police rog je , khungsa malkhung mizoram ni simi dharma nagar wngwi khowai tei teliamura oh thangnai. ah malkhung kwbangma marini brown sugar tongo hinwi koktwmao saimankha police rog. ah huijak koktwmano rwksaino salgra hangkhorni police super Bhanupada chakrabarty krihsnapur amchaio naitukmung khwlaio. naitukmung khwlaiwi tongmani jorao khungsa kwtal malkhung nukgwi mankha police rog. permanent number plat manya kho ah malkhung. yagulo ah malkhungo naitukmung khwlaimani yagulo 200 gram ni brown sugar mankha. amoni hatio dor 2 crore rog wngnai hinwi sakha police super Bhanupada Chakrabarty . romajaknai rogni mung wngkha Javed Ali tei Joydul Husein. Tabok NDPS raidano rwkgwino romjaknai rogno kebengwi mamla yakgo naharjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
