Kaham lama ni sanmwng tei nungjak nai tui ni sanlai mwng o lama mwthaglaikha amchai ni loku rok, pati mwng tang salni phung o dharmanagar bwkhaste protekrai kami panchayat amchai o. Kwduk ma bisi romwi dharmanagar bwkhaste ni protekrai panchayat ni 5 no.ward amchai ni loku rok nung jak nai tui tei thang phai khwlai nani bo deramwng o kwlaijak amchai ni loku rok.atomsa khe kotor pati mwng patiwi mano.phiya ba ah lama twi no thang phai khwlai nani nangwi tongkha amchai ni loku rok no. tei khak sa phasing khe protekrai kami panchayat ni 5 no.ward amchai o kwdukma sal romwi no nung jak nai tui ni beyal o kwlai jak, pati mwng no twi kami ni okra naikol nai ni simi romwi panchayat ni sachib no sakha waire wai no, phiya ba mwng sa swmng ungya ni bagwi kebeng mwng phunugwi tang salni phung o kami ni tong nai loku rok natun bazar tei kala chora ni lama mwthag laikha, ah kwthmlai mwng ni simi khorok sa bwrui sakha, amchai ni twisa tei pukhiri ni tui nungnani nang o, abo ni bising o kami ni thang phai khwlai nani lama bo deramwng o klai jak, tei paithag mwng sa suk lama manya ungwi kwthumlai mwng khwlai kha amchai ni loku rok. kami ni loku rok lama kasu lai mani koktwma manwi phawi sokphai kha police ni okra naikolnai. abo ni ulo kami ni loku rok bai kok salwi lama kasu lai mani rosai rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
