Koktisalni simi haste ni kwbangma thai oh watwi phaiwi tongmani nukjakha. Belai watwi phaimani bagwi Kadamtola kurti bidhansbaha kendra ni kurti Maniknagar ward amchaini kwbangma nogo watwi ni tui hapkha. Patimungni koktwma manwi kwrak salni phungo ah amchai rokno goriwi naikha Kadamtola panchayat samitini chairman Subrata Deb. Bini logi thangkha Kadamtola kurti BJP bodol committee ni general editor Manna Goswami no khobui kubuni adongrok. Tui lomsawi khoti wngnai rokbai kok sakha Kadamtola panchayat samitini chairman. Ah amchaini lukorog tui lamsamani bagwi kwchawi tongnai rokno rung use khwlaiwi borokno tikhalaina bagwi yapri naharkha. Aboni logi khoti wngnai nukhungni members rokni yagu chamung nungmungni manwi khwnwi yapharwi rikha bo. Asalo amchai rwgwi naimani yagulo Kadamtola panchayat samitini chairman Subrata Deb sakha, Maniknagar amchai kubuni thaini sai tola wngmani bagwi no kisa watwi phaimani pore no tui lomsa oh. Oh amchai oh 56 family tongo. Kisa watwi phaimani yagulo no amchaini nog nogo tui habo. Oh situation oh khoti wngnai rokni bagwi Rehabilitation Center khologwi da mano abono twiwi Kadamtola block officer Animesh Debbarma bai koklamo achukkha hinwi sakha bo. Asalo amchaini BJP ojama sng panchayat samitini chairman ni dagimung bai khoti wngnai rokno chubachu khwlaikha. Oh jora oh Kadamtola panchayat samitini chairman tei amchaini BJP ni sipai rokno gana oh manwi belai no kha-phurlaijak Maniknagar kamini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
