NH-44-A lama ni samwng no twi kebeng mwng phunuwi kwrak salo lama kasu laikha kanchanpur amchai ni loku rok, kwcham motor stand chowmuhuni amchai o lama kasulai mani nukjakha amchai ni loku rokno. Kanchanpur twi khwlawi NH-44 A lahar kotor swnam jagwi tongkha, lama swnam nani bagwi samwng yago mankha NHIDCL naikolnai rok. samwng khwlainai rok samwng songsa jak nani swkang kanchanpur ni loku rok no dati khe lama swnamwi rwjak nai hwnui kok rwkha. phiya ba samwng chengwi rwmani ulo no kanchanpur ni loku rok nugwi mankha, NHIDCL ni naikolnai rok low quality ni samwng khwlai tongkha, samwng khwlainani jora o tong kosong loku rok thang phai khwlai nani lama abo bo thik khwlai rwliya, pati mwng no twi kanchanpur ni administration tei lama swnam nai motha NHIDCl naikol nai rok no kwbangma jora romwi no saklaikha. phiya ba mwng sa bo samwng ungliya. borok teibo kok silsamwng khwlaikha, lama swnam nani mwngui lai thanai march tal o kanchanpur hati ni kwbangma bania khwlainai rok ni phal nok swbawi rwkha, bania khwlainai rok ni bwkhak twi naikolnai rok ni thani kisa jora san mani no twi bo kisa jolilai mwng phunuklaikha. pati mwng no twi amchai ni bwkhaste naikolnai nobo sakha,paithago kwrak salo haino hai kanchanpur ni kwcham motorstand chowmuhuni o kanchanpur ni loku rok lama kasulaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
