Kwbang watui phaimani bagwi assam-agartala lahar kotor o haa kuwagui mwthagjak thang kha thang phai khwlai mani lama, pati mwng Teliamura bwkhaste ni mungiyakami thana bai khobjak 35 mile tei 44 mile amchai o.Pha salni hor ni simi cha salni phung jora Teliamura bwkhaste ni dalbidal amchai o watui kwbang khe no phaikha. abo ni bagwi cha salni phung o assam-agartala lahar kotor o haa kuwagwi lama mwthagwi thangkha, joto ni swlai mungiyakami thana bai khobjak 35 mile tei 44 mile amchai deramwng o kwlaijak,lama o thang phai khwlainai loku rokni simi rmwi malkhung rok bo kwchajak. kwdukma jora romwo malkhung rok choli manya phano paithago pati mwng thaio thangwi sogwikha tang bedek ni samwng khwlainai rok. ah salo khorok sa malkhung chalugnai saklaikha, lahar kotor ni 35 tei 44 mile amchai o kisa watui phaikhe no haa kuwagui lama mwthagwi thango. dam nwi ni ulo koktwma manwi paiti mwng thaio thangwi sogwi kha mungiyakami thana ni police. abo ni kisa jora ni ulo phawi sokphai kha tang bedek ni naikol mwng o tong nai samwng khwlainai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
