Chasalni phungo Teliamura thana bai khobjak Icherbil kamini lukorog Khowai ni twimao khorok sa siniya nukya cherai ni mangkwthwi kwchawi tongmani nogwi mankha. Aboni yagulo bini mangkwthwi no khochawi Teliamura sakham nogo twlangkha police. Tabok patimungno twiwi naicherwi tongo police. Chasalni phungo Teliamura thana bai khobjak Icherbil kamini lukorog Khowai ni twimao khorok sa siniya nukya cherai ni mangkwthwi kwchawi tongmani nogwi mankha. Ah siniya nukya cherai ni omar 5 to 8 month ni bisingo hinwi saimankha. Koktwma manwi patimung thai oh thangbaikha amchaini lukorog. Amchaini lukorog ni bising twi koktwma manwi patimung thai oh thangkha Teliamura thanani police. Asalo amchaini khorok sa borok sakha, Ah cherai chwla da bwrwi abono sawi manani mungsa, tamoni bagwi hnk bini sak phuliwi phaibaikha. Bo teibu sakha sal kisa swkang bankundiry remal bai khobjagwi twi oh kochogwi phaikha ah cherai hinwi wansukha. Asalo Teliamura thanani police twi mani ah cherai no khochawi Teliamura ni sakham nogo twlangkha. Patimungno twiwi naicherwi tongo Teliamura thanani police. Patimungni yagulo amchai rwgwi no ur patilaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
