Sak hamyani nukhungni borok rok bai bujagwi sak derakha Gomati hangkhor sakham nogni security guard tei police SP. Phasalni horo Udaipur Tepania Gomatia hangkhor ni sakham nogo. Patimungni yagulo sakham nog rwgwi belai no urpatilaijak. Phasalni horo Udaipur ni Dataram amchaini simi Jahar Islam mungwi khorok sa sak hamya borokno Gomati sakham nogo tubujakha. Sakham nogo sebok khwlaiwi tongnai Dr. ah sak hamya borokno nogwi dakti dakti no ECG khwlainani dagikha. Phiyabha sak hamyani nukhungni borok rok sakham nogni ECG room biyang bwkhak sawi manya wngwi sakham nogni guard tei SP police no sungmani yagulo bo mungsa chubachu khwlaiya hinwi koksilsakha, sak hamyani nukhungni khorok sa borok ah guard yakung ramani yagulo bo mungsa saya ah guard, ulta sak hamya nukhungni borok rok bai misbehavior khwlaikha hinwi koksilsamung kasakha. Aboni yagulo sak hamya ni nukhungni borok bai ah guard ni bisingo kok banglaikha, aboni pore sak hamya nukhungni borok tei guard ni bisingo bolai toklai wnglaikha, sak hamyani nukhungni khorok sa borokni kamchwlwi chirwi rikha ah guard, patimungni koktwma manwi aro thangwi sagwikha RK Pur thanani police tei TSR rok. Patimung thaioh thangwi habar no tongkwchang khwlaikha police rok. Sak hamya ni nukhungni khorok sa borok sakha je, borokni stroke wngjak bemar 30 minute ramwi trolly oh kwlaijak, ECG room ni biyang phasing hinwi sungmani yagulo bo mungsa saya guard tongnai, bini yakung ramani yagulo bo mungsa saya, ulta borok bai se misbehavior khwlaikha. Bo teibu sakha, sakham nogni naikolmung kaham no, phiyabha aro tongnai guard rokni tamung chamung hamya wngmani bagwi belai no kha-khamlaijak tongkosong lukorog. Sakham nogni adongsng dakti dakti no abohai guard no kebengwi belai no nangkukmani yapri naharna nango hinwi sakha bo.Oh patimungo kebono romliya police. Police abohai khe mungsa yapri naharyani bagwi sak hamyani nukhungni borok rokni logi sakham nogni kubuni sak hamyani nukhungni borok rok bo belai jolijaklaikha. Oh patimungni yagulo sakham nog rwgwi no belai no ur patilaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
