Tang salni sairikgo hoijak koktwma bisingtwi BSF ni 105 batalion ni tangkrak bharat bangladesh ni ari ganao bilascherra raida chayatwi saree rohorna naimano saimankha. aboni yakgulo BSF ni sengkrak rog oh koktwma kamalpurni police rogno rohor kha. ah koktwma manwi tang salni horni simino BSF tei kamalpurni police rog naicherna chengkha Bilascherra oh. hor kothokgo TR04-C-1631 number ni khungsa malgari ah amchaitwi khe bangladesh ni ari gana thangna chengsakhe police rogbai romjak kha. horni andra gondra oh sep manwi kharwi thangna bagwi jora mankha gari chaloknai tei kubuni borok rog. yagulo police rog gario naitukmung khwlaiwi bebagwi 690 peice saree mankha . koktwmao saimankha manjakmani saree rogni hati dor wngnai 25 lakh hinwi . kwrak salo ah manjakmani saree tei garino kalam pur police rogni yakgo tisai rikha BSF ni sengkrak rog. joto patimungno koktwma thumnai rogni bisingtwi khe sai khwna rikha kamal pur thanani OC Alamgir Husein. romjakmani saree rogno kamalpur police ni bwkhaktwi costum tang bedekni tangkrak rogno yapharwi rijak kha. patimungno twiwi tabok kwrak khe naikulwi tongo naimwthang bodol.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
