Bolong bising ni khorok sa kwmajak sikla ni khachijak mang kwthui mankha, thwi nai sikla ni mwng Mangal dhan chakma, pati mwng sangrong salni phung o chailengta fishery kami school ni ukulug o. Lai thanai kokti salo kwmai thang mani chailengta thana bai khobjak fishery amchai ni sikla Mangal dhan chakma, kokti sal ni sarig o fishery kami ni JB school amchai o paithak ni bagwi nukha amchai ni loku rok,abo ni ulni simi Mangal dhan chakma no nai naitugwi manliya, nok ni borok wansukha kalbari o thangkha hwnui, swrang sal jora nogo kiphilwi phaiya ni bagwi nok ni borok rok naitug mwng khwlai nani chengkha, sangrong salni phug o fishery kami JB school ni bolong bising o naitug mwng khwlawi Mangal dhan chakma ni khachijak mang kwthui nugwi mankha, logi logi no kami ni loku rok police no sahorkha, ah salo thwi thang nai Mangal dhan chakma ni bwta MAya dhan chakma saklai kha, bono puila mang kwthui no nugwi mankha hwnui. koktwma manwi pati mwng thaio phawi sokphai kha police, abo ni ulo mang kwthui no cherwi naina bagwi rohorkha sakham nogo, pati mwng pati mani sak sak da thwi kha eba bu da bwtharjak kha abo no twi cherwi naikolnai police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
