Loksobha chongmari swkang haste ni lukorog no thokaina bagwi kwtal raida tikhalaikha congress bodol. Khursathai kwlai oh thanai february ni talo congress ni kai bwrwi bank account no freeze khwlaiwi rikha Income Tax Department. Income Tax Return rinani lermani bagwi tei kaisa koisu topic no twiwi no abohai yapri naharkha Income Tax Department. Phiyabha congress rok koksilsakha, income tax department rok raida ni phataro tongwi congress ni account no freeze khwlaiwi rikha. Aboni bagwi chongmari oh choba khwlainani bagwi rang kwrwi borok ni. Aboni bagwi no chongmari oh choba khwlaina bagwi haste ni lukorog ni thani rang sankha Tripura pradesh congress. Phiyabha income tax department ni bwkhak twi sakhwlaijakha, tax rinani raida no maniya ni bagwi no congress ni kai bwrwi account bank no freeze khwlaiwi rikha income tax department, ah account oh 135 crore rang tongo hinwi saimankha. Phiyabha oh kai bwrwi account no karwi tei joto oh no choliwi tongo hinwi saimankha. Kendra haphang ni mung hamya khwlaina bagwi no congress rok abohai koksilsamung tisakha. Phiyabha sak baithangni bayap rok no sanyani bagwi haste ni lukorog ni thani rang sankha pradesh congress. Aroni bisingo sijagwi tongokha congress rok lukorog no thokainani chaitogwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
