Nog brom brom kokpirmungo ongkhorkha 7-Ramnagar bidhansabha kendra oh batainai Dipak Majumder. Phainai by-election chongmari oh BJP ni bataina bagwi sal kisa swkangno Sadar bwkhaste achukphang Ranjit Das ni thani nomination joma rikha bo. Khursathai kwlai oh 2023 bisi ni december talo mwtai chalangkha 7-Ramnagar bidhanabha kendra ni MLA Surjit Datta. Aboni bagwi ah achukthai no supungna bagwi BJP ni wngwi batainai Agartala municipal corporation ni mayor Dipak Majumder. Phasalo Krishna nagar ni nog brom brom kokpirmungo ongkhorkha bo. Mwtai chalangnai MLA Surjit Datta ni yapri naharjak kwbangma projects ni samung humung rokno mwkthang khwlaina bagwi no ah yapri naharjakha hinwi sakha mayor Dipak Majumder. 7-Ramnagar Amchaini lukorogni gana oh tongnai hinwi kok rikha bo. Sal kisa ni yagulo no chongmari wngnai. Aroni bisingo no 7-Ramnagar bidhansabha kendra ni joto ni nog nogo thangnani chaitogwi tongo bo. Aroni bisingo phano jadi joto ni nog nogo thangwi manya hnk, chongmarini yagulo samung khwlaimani bising twi joto ni nog nogo thanai hinwi kok rikha BJP ni batainai Dipak Majumder. 7- Ramnagar ni hamkrai ni bagwi sak tharwi samung khwlainai hinwi kok rikha BJP ni wngwi batainai Dipak Majumder. Asalni kokpirmungo kwbangma lukorog bo phaiwi manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
