Loksabha chongmari no bwskang o tonwi tabuk ni simi no khola o ongkhor kha naikolnai bodol BJP. haste o kai nwi achugthai o no BJP ni samwng bwtang chengwi rwjakha, phai tong ani 19 april salmari tei 26 april salmari o salka Tripura tei salthang Tripura o chongmari songsa jak nai. abo no kitingwi no sangrong sal ni phung o fatikrai ni MLA eba haste ni montri Sudhangshu das kaisa abhiyan khwlai kha, sathai khwlai oh, salka Tripura achugthai o BJP ni ungwi batainai Kriti singh debbarma ni ungwi sangrong salo fatikrai bidhan sabha kendra gana 6 no. booth o abhiyan khwlaikha montri. abo ni logi phawi manjak phai kha bodol ni samwng khwlai nai tei naikol nai rok bo. samwng bwtang pawi ah salo kokthum thumnai ni bwskang o montri Sudhangshu das saklai kha, salka Tripura loksabha achugthai o BJP ni ungwi batainai Kriti singh debbarma no amchai ni dal bidal thai ni panda o phawi manjak phai nai hwnui. montri bokhorok Narendra modi ni naikol mwng o lai thanai bisi chi o je loklu rok samwng bwtang kaham man kha abo no rwgui no loku rok BJP ni batainai no kwbang kuk vote bai kwplai khwlawi teisa wai tham ni bagwi montri bokhorok no achugthai o achug rwna ni naikolwi tongkha hwnui khuk keng kha fatikrai ni MLA eba montri Sudhangshu das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
