Hakotor ni hukbar khwlainai rok ni simi romwi malmatai naikolnai rok ni logi joto thai ni loku rok no kaham khe no sep rwoi tongkha kendriya tei haste hapang. bwrui rok ni phassing kaham naikol mwng ni logi hoda ni joto samwng khwlai tongkha montri bokhorok.kalyanpur o kwtal songsa jak mani malmata sakham nok songsa jak nani swkang phawi manjak phawi kwrak salo abo hai khe no samanai nukjakha Tripura hapang ni malmata, ahh tei tapashili jatimkalyan tang bedek ni montri Sudhangshu das. haste hapang ni malmata tang bedek ni luajimung bai khowai hangkor ni kalyanpur o songsai rwjakha veterinary dispensary. songsai rwmani panda o ah salo phawi manjak phai kha kalyanpur ni MLA eba Tripura tapashili jati development corporation limited ni chairman Pinaki das chowdhury, block chairman Somen gope tei BSC chairman Indrani debbarma, kwtal ah malamta sakham nok ni bwkhak twi joto kalyanpur tei joto malmata rok no kaham khe no saknai rwjak nai hwnui sakha montri Sudhangshu das, phai tong nai sal rogo bo kalyanpur o kaham samwng khwlaijak nai hwnui sakha bo. ah salni panda o kok narugna phuru hakotor ni montri bokhorok Narendra modi malmata no chajak mani kok rok bo sawi khwna rikha montri Sudhangshu das, abo ni logi haste ni malmata tang bedek ni kwbangma samwng bwtang no twi bo kok samani nukjakha bono. kalyanpur o kwtal malmata sakham nok songsai rwmani panda o kwrak salo kwbang no loku kwthumlai mwng ung mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
