Songsai rwjakha rajakhor aguli ni hapania international fair ground oh 2024 bisi ni agartala book fair, taklai bisi o phil bwrui chi nwi eba 42 bisi o yakung rwkha agartala book fair, taklai bisi ni book fair ni naikolmwng ungkha ‘Bhabya’bharat ni naikol mwng.swrang sal ni sanja jora haste ni montri okra Dr.Manik saha ni yak romwi no hapania international fair ground o phil bwrui chi nwi eba 42 bisi ni agartala book fair songsai rwjakha, 21 february sal mari ni simi phai tong nai 5 march salmari jora eba chi bwrui sal romwi tong nai agartala book fair. ah salni book fair ni panda o nograi okra ungwi phawi manjak phaikha haste bidhan sabha ni deputy speaker Ramprasad pal, bidhan sabha ni okra naikolnai Kalyani saha roy, agartala pura nigam ni mayor Dipak majumdar, badharghat bidhan sabha kendra ni MLA jwk Mina rani sarkar tei hukumu tang bedek ni sachib PK. chakraborty tei bangladesh ni sahakari high commissioner Arif mahammad.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
