Montri okra ni thai yakar phano bo Tripura ni loku rok no pogwi manya kho Biplab kumar deb. joto phasing twi no joto habar ni bising twi no haste ni loku rok ni gana tong o bo. abo hai wansuk mwng ni simi no sak ni mwchugma o haste ni okra chakra rok ni bagwi assam ni maha tirtha shaktipeeth kamakhya darshan khwlaina bagwi sep nahar kha kwcham montri okra eba haste sabha ni tabuk ni dagiphang Biplab kumar deb. bini ah wansuk mwng bai no assam ni kamakhya mandir darshan khwlairwna ni bagwi sep naharwi bus bai khwlawi cha salo yatra khwlai kha belonia tei jolaibari ni khorok tham chi ba tirtha yatri. dagiphang Biplab kumar deb ni abo hai kaham samwng sep naharmani magnang no kamakhya mwtai darshan man nani nai tongkha haste ni okra chakra rok.mwtai naiwi berai lai mani ulo teisa Tripura ni phasing yatra khwlainai borok.abo hai kaham sep nahar mani bagwi haste ni kwcham montri okra eba haste sabha ni tabuk ni dagiphang Biplab kumar deb no khabai hambai yapharkha belonia mondal ni achugphang Goutam sarkar. Phai tong nai sal rogo haste ni dal bidal bwkhaste ni simi tirtha khwlainai rok no hakotor ni kwbangma thai berai rwna ni bagwi wansugwi tongkha kwcham montri okra Biplab kumar deb, bini sep bai no kamakhya mwtai darshan khwlai mani sep man ma bai kha phurjak tirtha khwlainai rok. sathai kwlaioh, lai thanai december talo bo bishalgarh tei amarpur ni khorok bwrui chi tham tirtha khwlai nai rok no ywi guwahati ni kamakhya mandir darshan khwlai rwkha haste ni kwcham montri okra eba haste sabha ni tabuk ni dagiphang Biplab kumar deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
