Tabuk ni digital jora o online scam o kwlaikha khorok sa borok. abo simi ya, deramwng rogo kwlawi online shopping khwlawi scam o kwlai tongkha kwbangma loku rok. online twi order khwlaikha kaisa manwi tei nogo parcel delivery ungo onno manwi. sathai kwlai o sal burum burum no kok silsamwng kasai tong o courier service ni phasing. phiya ba tabuk khe besarkari courier service ya, Indian Postal Department bai no scam khwlai jak kha rajakhor aguli ni tong nai khorok sa borok. scam o kwlai mani ah borok ni mwng Goutam sutradhar,nok rajakhor aguli ni Akhaura road gana western club amchai o. ah pati mwng no twikokthum thumnai ni bwskang o Goutam sutradhar sakha, pha sal ni dipor o post office bai khwlawi bini kaisa parcel phai mani tei puila bo receive copy o signature khwlaikha tei ah parcel receive bo khwlaikha, phiya ba parcel yago naharmani logi logi no bo nugwi mankha parcel kisa kichikjak, ah phuru bo delivery man no ah borok no swng mwng khwlai khe, delivery man saklaikha, bini parcel office o abo hai khe no tong mani,abo rogo delivery man mwng sa bo khwlai maiya. abo ni ulo scam o kwlai mani ah borok nogo thangwi nugwi mankha ah parcel o kai sini packet tong nani kok, aro rogo kai bwrui packet tong o. abo ni ulo bo teisa post office ni delivery man no phone khwlawi ah kok sakhe, delivery man sakha, ah joto pati mwng agartala head office o sana ni bagwi.abo hai khe no pha sal ni sanja jora agartala head post office o kaisa kok silsamwng khwlaikha Goutam sutradhar ni mwngui ah borok. bini kok silsamwng ni kahai khe no post office ni central room o thepajak CCTV footage cemera ni footage check khwlaikha, phiya ba ah footage o post office o tong mani phuru kaham no tong mani, mwng sa twi phano parcel kichikjak kwrui.abo rok sai man mani ulo teisa ah delivery man bai kok sana ni bagwi cha salo teisa post office o thangkha ah borok. phiya ba bono swng mwng khwlai khe bo gosiya ungwi tong kha, bo sakha Goutam sutradhar je phuru parcel naharmani, ah phuru parcel kaham no tong mani tei bo parcel no joto phasing twi no check khwlawi abo ni ulo receive khwlawi copy o signature khwlai kha hwnui. Kai nwi kai tham besarkari courier service ni logi tabuk khe sarkari indian post office ni phasing bo kok silsamwng khwlai tongkha tong kosong loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
