Talbrom no haste ni montri okra Dr.Manik Saha haste ni jwngjalo kwlaijak lukorog ni kok no khwnawi, ah jwngjal no mwthagwi rinani bagwi nangkukmani yapri naharwi tongo. Phiyabha tabok khe ah panda no teibu kuchugo twlangnani bagwi yapri naharkha. Tabokni simi haste ni jwngjalo kwlaijak lukorog montri okra ni tongthai nogo thana nangwlak, borok sak baithangni nogo tongwi no borok ni jwngjal no twiwi montri okra bai kwrwngwi manai. Swrang salo abohai no sakha montri okra. 2023 bisi ni 12 april ni simi sak baithangni tongthai nogo mukkhamontri samipeshu samung bwtang panda no chengsawi rikha montri okra Dr.Manik Saha. Talbromni swrang salo oh panda no khwlaiwi tongo. Swrang salo abohai khe no ah panda songchajakha. Tei oh pandao manjak phainai kwbangma lukorog ni jwngjal ni kok no khwnawi, ah jwngjal no mwthakna bagwi dakti no nangkukmani yapri naharwi tongo montri okra. Phiyabha kwbangma lukorog tongo je rang puisa ni biyal ni bagwi montri okra ni tongthai nogo thangwi sagwi manwiya. Aboni bagwi lukorog ni nogo direct thangwi sagwisinai montri okra. Aboni logi aulini gana gini haste ni kwbangma hangkhor tei bwkhaste o virtual ni bising twi mukkhamontri samipeshu panda khwlainani bagwi yapri naharkha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
