Sak baithangni achaima salo kwrwi lukorog no richum bakkha salgwra Tripura hangkhor ni Dharmanagar bwkhaste ni Gobindapur gram panchayat 5 no ward o tongnai Azmir Ali. Rang puisani biyal ni bagwi waisa fano achaima sal palaiyakhu bo. Chwrai phangsini ni simi no bini emang tongmani, achaima salo kwrwi lukorog no rikutung baknani. 33 bisi achaima salo kwrwi lukorog teo Madrasa ni rwng swrwngnai swrwngnaijwk sngbai sal palaikha Azmir Ali. Tangsalni phungo Kalachera hatio kaisa chikonsa panda khwlaikha bo. Asalni panda o bono karwi bo amchaini borom gwnang lukorog bo manjakha. Sak baithang jeswk parisak Kalachhera, salka Horua, salgwra Horua kamini kwrwi lukorog tei Kalachhera ni Madrasa ni rwng swrwngnai swrwngnaijwk sngno misti charumani yagulo borok ni yagu kombal bagwi rikha Azmir Ali. Asalo 41 lukorog no rikutung bakkha bo. Phainai salo bo abohai kwthar ni samung bwtang bai gwdalwi tongnai hinwi sakha Azmir Ali.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
