Thanai 17 january ni salmario AD Nagar ni police ground oh songchajak police week panda o dalbidal hangkhor ni police rok no sokat rijakha. 2023 bisi o kwbangma samung bwtango sak baithangni samung no sak tharwi khwlainai rok no borom rijakha. Haste ni montri okra Dr.Manik Saha ah police rok no sokat rikha. Aro ni bisingo beat system no use khwlaiwi samung hamya khwlaimano kasumani tei samung hamya rok no mwthagwi rimao sak baithangni samungno phunukmani bagwi ‘BEST DISTRICT FOR BEAT SYSTEM FOR THE YEAR 2023’ ni sokat mankha salgwra Tripura hangkhor ni joto police rok. 17 january ni salmario AD Nagar ni police groud oh songchajak panda o montri okra ni yak twi salgwra hangkhor ni police super Bhanupadh Chokroborty ni yagu sokat rikha. Oh sokat rimani bising twi haste ni naimwthang bodol no bwskango cholinani bagwi kha-thangsarimani bagwi montri okra no hambai yapharkha salgwra hangkhor ni police super Bhanupadh Chokroborty.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
