Phai tongnai 22 january ram mandir songsai rwjak nai, hakotor ni simi romwi phatar haste ni loku rok no llgi twi no montri bokhorok Narendra modi ni yak romei no ram lala no achug rwjak nai. sana thang khe ah panda no kitingwi hakotor gwnagui no khatun khaja unglai jak. ayodhya ni simi ah panda TV channel ni logi dal bidal online platform o nugwi man nai, loku rok ni kok wansugwi no ah kotor gosimwng rwkha kendriya hapang. phai tong nai 22 janaury kendraiya hapang ni joto office o half day chuti gosi mwng rwkha. kendriya montri Jitendra singh 22 january kendriya hapang ni joto office half day chuti gosimwng rwkha. Ram mandir trust ni bwkhak twi saklai jak kha, ram mandir songsai rwmani tei ram lala no achugrwna ni bagwi ah panda 16 january ni simi no chengwi rwjakha.phiya ba kotor panda ung nai phai tong nai 22 january salmari o.ah salo joto raida ni kahai no dipor ni 12.30 pm oh mwtai songsai rwjak nai. tei ah panda no songsai rwna ni bagwi joto kendriya sarkari office, kendriya Institution tei Kendriya Industrial Institution rogo half day chuti tong nai hwnui sarkari gosimwng rwjakha. ram mandir songsa jak nani swkang yogi adityanath hapang agi no ayodhya ni logi joto uttar pradesh ni school tei sarkari office oh chuti gosi mwng khwlai rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
