Kwrak salni horo Gomati hangkhor ni Gharji Primary Health center o kaisa wanama sinsa patimung patikha. Asalo Primary health center o thangmani Tipra motha ni ojama Biralal Noatia, 2023 bidhansabha chongmario Tipra motha ni wngwi bataikha Biralal Noatia. Joto jagao no thangkhe lukorog ni bising twi borom manwi tongo bo, phiyabha kwrak salo Primary health center o thangwi kisa fano goina tei borom rijaklia bo. Aboni bagwi kok banglaiwi khorok sa Dr.bai walai laikha tei paithogo patimung bwlai toklaio thangwi sagwikha. O patimungo kisa sak derakha sak naikolnai. Tabok Gomati hangkhor ni sakham nogo bono naikoljagwi tongo. Khorok sa chongmarini candidate se aswk khe lachimung phunukjagwi borom rijakya wngwi tongo hnk, tongkosong lukorog bwswk jora twi hanok pinok khwlaijagwi tongkha aboto sanani kok no kwrwikha. Swrang salo ah dr. no naina thangkha R.K Pur bidhansabha kendra ni MLA eba haste ni rangthong montri Pranajit Singha Roy tei Matabari bidhansabha kendra ni MLA Abhishek Debroy. Patimungno twiwi sak deranai Dr. sakha, kwrak salni horo khorok sa bohok sajak tongnai borok no twiwi Gharji primary health center o phaikha Tipra motha bodol ni batainai Biralal Noatia. Aboni yagulo kaisa kok no twiwi kok banglaiwi bike ni chabi bai ano eba dr ni taturao bowi rikha Tipra motha ni ojama, phungsa riwi no ano eba Dr. no haao pwtapsakhe khikalaiwi rikha, aboni logi logi kubuni dr. rok ano khochawi sakham nogo twlangwi thangkha. Puila sak naikolmani yagulo Gomati hangkhor ni sakham nogo reffer khwlaijakha ano hinwi sakha bo. Swrang salo sak deranai dr. no naina thangwi MLA Abhishek Debroy sakha, dr. rok sal hor lukorog ni sak no hamrina bagwi sak tharwi samung khwlaiwi tongo, ahh jagao khorok sa dr. no abohai khe bomani belai no selengma sinsa patimung hinwi sakha bo. O patimungno twiwi thanao kaisa mamla khwlaikha dr. sng. O patimungni yagulo belai no wanalaijak Gharji Primary health center ni dr. rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
