‘Sichasidi sikla rok sichasidi’- oh montro no hakotor ni beser beser no twlangwi rwikha Swami Vivekananda. Hakotor swnamnanao tei borok no chubachu khwlaimao sak baithangno gwdalrina bagwi sikla sikli rok no kha-thangsarikha Swami Vivekananda. Bharat hakotor ni spiritual kok no hayungni beser beser o tungkhagwi rwikha bo. Bini phwrwngmung tei wansukmung rok thianangni cherai rok no lama phunuknai- Phasalo State wise National Youth Day ni pandao manjagwi abohai no sakha haste ni montri okra Dr.Manik Saha. Aulini Rabindra Bhavan o songchajak asalni pandao manjakha haste ni maalmata tangbedekni montri Sudhangshu Das, thwng tangbedekni montri Tinku Roy, Agartala municipal corporation ni mayor Dipak Majumder tei Tripura swnamkhor hamkrai ni chairman Nabadol Banik. Asalni pandao kok narukna thangwi montri okra sakha, hakotor ni lukorogni hamkrai wngya hnk hakotor ni hamkrai wngwi manya. Sikla dopha rok no hakotor ni hamkrai khwlaimao ma gwdalnai. Aboni logi haste ni sikla dopha no Swamijini phunukmari no swrwngwi lukorog no seva khwlaina bagwi koikha montri okra Dr.Manik Saha. State wise National Youth Day ni pandao manjagwi Sports, drama tei art no khobui kwbangna tangbedek oh sak baithangni yakumu naruknai rok no borom yapharkha haste ni montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
