Haste ni hukbar khwlainai rok TPS system bai Alok kaiwi tongo. Aboni bagwi belai kosta bo wngu tei belai rangbo thango. Teibu kwlaisakhe alok kainani bagwi no ARC system bai alok kainani bagwi wansukmung naharkha Tripura haphangni harticulture tangbedek. Vietnaam ni simi oh system no swrwngwi phaikha hukbar tangbedekni officers rok. Aro ni bisingo haste ni kai char hangkhor ni bebagwi 100 hukbar khwlainai rok no ARC system bai alok kainani phwrwngwi tongo. Oh system bai alok kaimani bising twi phainai bisi ba bisingo alok kaimao sak baithangno bhachawi manai Tripura haste. Horticulture Reasearch complex TPS tei ARC oh kainwi system bai no alok kainani bagwi chengkha. Phasalo Horticulture reasearch complex no naina thangkha haste ni hukbar tangbedekni montri Ratan Lal Nath. Kainwi system bai bahai khe alok kaiwi tong abono sak baithangno kaham khe naikha bo. Sak baithangni mokol bai kai system bai alok naiwi belai no kha-tongthokjakha montri. Bo teibu sakha, kwtal system bai alok ni kaimani bising twi phainai bisi ba ni bisingo alok kainani bagwi phatar haste ni alok tubuna nangwlak hinwi sakha. TPS system no swlaiwi ARC system o double alok manai tei alok thokmani bo swkangni teibu thoknai hinwi sakha bo. Asalni naichermungo montri no karwi bo manjakha Nagichera hukbar tangbedekni secretary Apurba Roy, hukbar tangbedekni tangphang Saradindhu Das, Horticulture tangbedekni naikolphang Phanibhushan Jamatia tei Horticulture research complex no khobui Deputy Director Rajeev Ghosh bo manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
