Kwrak salo Tripura bidhansabha o ICDS project no twiwi ADC haphang no kebengwi kok tisakha haste haphangni hoda hamkrai tei hoda rwng tangbedekni montri Tinku Roy tei MLA Sambhu Lal Chakma. ADC Haphang no hamkrai ni bagwi jeswk sano aswk no rang rahorwi tongo, phiyabha borok mungsa bo hamkrai khwlaiya hinwi koksilsakha Montri Tinku Roy. Aboni yagulo bo teibu sakha, ADC haphangno ICDS project bai khobjak kai dok project ni rang rahorjak, phiyabha rang hormani yagulo bo mungsa samung wngya. Aboni logi ADC Haphangni kwbangma school tei anganwary center rago lekha swrwngnai rok chamung nungmung kaham khe manya, tamoni bagwi hnk mairum, daal rok tabok fano paiyakhu ADC Haphang. Aboni logi ADC amchaini rwng phwrwngnai rok bo jorani bisingo salary manya hinwi koksilsakha montri Tinku Roy. Montri ni logi hai no hai kok manjowi khorang tisakha MLA Sambhu Lal Chakma. Bo sakha, thanai bisi tham ramwi ADC amchaio rangni kese kereng khwlaiwi tongo ADC Haphang. Aboni bagwi belai no jwngjalo kwlaijak ADC amchaini lukorog.Khursathai kwlaio oh patimungno twiwi swkango ADC Haphang bai koklam salaikha haste haphang phiyabha aboni yagulo bo tabok fano jwngjal mwthakjakyakhu, aboni bagwi tabok joto patimungno twiwi kaham khe naicherna bagwi hoda hamkrai tei hoda rwng tangbedekni luajimung bai kaisa committee swnamjakha hinwi sakha montri Tinku Roy.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
