Netaji schoolni math-no parking zone swnamjagwlak hinwi phasalo kaisa kokthum panda khwlaiwi sakhwlairikha Agartala municipal corporation ni mayor Dipak Majumder. Sal kisa swkang koktwmao saimankha je, aulini Netaji school ni math-no parking zone swnamna bagwi yapri naharkha Agartala municipal corporation. Cherai rokni sak kwrak tei kha-kaham ni bagwi park tei thwngmungni math belai no nangkukmani yakumu narugwi tongo, phiyabha haste ni hamkrai khwlai thani kwmawi tongo thwngjaknai math tei park rok. Aboni bagwi cherai rok ni thwngjaknai jaga tei park kwrwi ni bagwi cherai rok boring feel khaio eba mobile o game thungwi jora no nosta khwlaiwi tongo. Thwngjaknaini sep sap kwrwi ni bagwi cherai rok nogo chopjagwi tongma hai wngwi tongbaikha, aboni bagwi borokni sak tei kha-kaham wngmano kasowi tongo. Aboni bagwi Netaji school ni math-no parking zone khwlaijaknai hinwi koktwma ongkhormani yagulo no kwbangma koksungmung achaikha thwng tangbedek-oh. Oh projects mwkthang wngkhe Netaji school math o khela thwngna rok koronai school ni rwng swrwngnai swrwngnaijwk sng. Abono karwi bo salbrom no math-oh phaiwi exercise khwlainai rok tabokni simi exercise khwlaiwi mangwlak jadi projects mwkthang wngkhe. Aboni bagwi auli rwgwi waire wai protest khwlaikha. Phasalo abono twiwi sak baithangni habanogo kokthum panda khwlaiwi sakhwlai rikha mayor Dipak Majumder. Bo swrai swrai khe sai rikha, Agartala city no traffic jam ni yak rina bagwi nangkukmani yapri naharkha Agartala municipal corporation. Agartala city ni kwbangma thaio kwtal parking zone swnamjaknai. Phiyabha cherai rok ni math-no swbaiwi parking zone swnamjakya hinwi swrai swrai khe sai rikha mayor. 2018 bisi o BJP bodol haphang khamani yagulo Tripura haste ni thwng tangbedekni hamkrai ni bagwi sak tharwi samung khwlaiwi tongo BJP haphang. Kwcham math rok no hai no hai kwtal khwlaiwi swnamjagwi tongo, Aboni bagwi no cherai rokni thwngmani math-no swbaiwi math swnamya Agartala municipal corporation. Phasalo abono twiwi swrai swrai khe sai khwna rikha Agartala municipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
