pha salni simi hasteni bidhansabhao chengsai rijak kha winter session . session ni puilani salo 2023 -2024 bisio haste haphangni bwkhaktwi naharjak mani kwbangm samung bwtangno twiwi koklam khwlaijak kha haste pha Indrasena Reddy Nallu. Ah salo koklam chengsana swkang puilano bisi kwtal ni kha kaham yaphar kha haste pha. Bo sakha , 2023 bisi chini hakotorni bagwi belaino nangkukmani bisi tongmani , tamo hin ba ah bisino chini hakotorni space craft tal oh sogwi kha. bharat hakotorni mungno hayungni beremo kuchukgo tisana bagwi saktharwi samung khwlaiwi tongo hakotor haphang. Tabok kendra haphangni logio yapri thansa khe seioi no kaham lamao hamkwrai ni bwkhakgo himjak Tripura hastebo. Bwrwi rog no ajimung rina bagwi self help group hai bodolno kaham khe chubachu rioi tongo haste haphang . haphangni bwkhakwi rwng swrwng tei , sak ham ni berem rog tabok haste kaham wngkha. Haste beraikhiri thai rogbo kaham khwlaiwi tisa kha haste haphang. Phainai sal rogo hasate haphangni bwkhaktwi hasteo AIIMS hai kotor sak ham nog bo phiyokjaknai hasteo. Ah sak ham nogno swnamna bagwino tabok hasteo 200 acres thai naikha haphang. Ah thaio swnamjaknai kotor sak ham nog AIIMS. Kendra haphangni chubachu bai dhalai hangkhoro bo tei kaisa medical college swnamjaknai hinwi sakha haste pha imdrasena reddy nallu. hapania oh kaisa unity mall swnamna bagwibo kokchap nahar kha haste haphang. Ah mall ni bisingtwi no tabok hasteni teo hakotorni dal bi dal thai rogni simi khe yak bai swnamjak manwi rog aro phaljaknai hinwi sakha haste pha. Oh samung bwtangni bagwi haste haphang bebagwi 140.20 crore rang swbai kha hinwi sakha bo. Haste berai khirii thai rogno klaham khwlaina bagwibo Asian development bank ni simi rang salok naharwi hasteni nirmahal , kasaba kali bari , chi brwi mwtai nog ,m chabi mura tei unakoti hai hasteni nangkukmani berai Khirithai rogno swnamna bagwi yapri nahar kha haste haphang. khursathai kwlaio bidhansabha ni winter session oh ah salo sal kisa swkang thwi thangnai BJP MLA Surajit Datta tei CPIM ni kwcham MLA Shamsul Hauq no muito khwlaiwi 2 min siringkhe tongmani yagulono winter session chengsai rijak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
