Tangsalni horo Takarjala thana bai khobjak Jabra kamini amchaio khungsa number kwrwi pulsar bike malkhung accident wngwi patimung thaio no thwikha khorok nwi tiprasa sikla. Belai speed khwlaiwi bike chalokmani bagwi no abohai patimung patikha hinwi saimankha. Lama ganani bwphango thutaikha borokni bike. O patimung tangsal horni 1.30 pm rogo wnganu hinwi saimankha. Amchaini lukorog patimungno nogwi Takarjala thanao koktwma horkha. Koktwma manwi patimung thaini borok no khochawi Takarjala primary health center o twlangkha police. Sakham nogo twlangmani yagulo dr. rok check khwlaimani yagulo borok no thwikha hinwi sakhwlai rikha. Tabok fano ah sikla rok ni sinimung manyakhu hinwi saimankha. Amchaini lukorog kebo kebo wansukkha oh cherai rok hamya samung khwlaimani yagulo belai no speed khwlaiwi bike chalokmani bagwi no accident wngkha hinwi kha-khwlaikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
