Rail line ni samungo gwdaljak tongmani jorao rail bai pherejakgwi langma chukha khoroksa naimwthang naikulnai . thwinaini mung wngkha Apu Das , omar bisi brwi chi char. patimung pati kha pani sagar thanabai khobjak salgra deochhara 2 no ward amchaio. patimung twiwi Apu Das ni logio samung khwlainai tei khoroksa naimwthang naikulnai sakha , sairik ni dam ba ni simi borogni duty chengsajakgo, amoni yagulo jora kisa tongkhe borogni duty ni thai sahorna bagwi signal rijakgo. tang salni hor dam chukuo wngma jorao paithakni singal rio Apu das amoni yagulo bini phaisingtwi mungsa signal rijakliya. yagulo Apu Das no rotokna chengsai rikha bini logi samung khwlainai bayap rog. bini duty kwlaimani thani kisa hakchalo thangwi bini kai nwi yakwlap mankha borog. phiya yakwlap manma thaini simi naitokmung khwlai phano Apu Das no aro naitukgwi manliya borog. rotoklaimani yagulo Apu das no manya wngwi yagulo bini bihik no koktwma rijak kha. phiya hor wngma bagwi nukhungni lukurogbo bono rotokna bagwi nokhorwi manliya. kwrak salni phongo Apu Das no rotokna bagwi nokhor kha bini nukhungni lukrog yagulo bini duty khwlaima thaini amchai rogo kaham khe naikulma yagulo Apu Das no rotokgwi mankha bini bihik Bithika Das. je thaio apu das ni mang kwthwi mankha kwrak salo , tang salni horo aro rotokjak bini logi samung khwlainai bayap rog. phiya kwrak salo aro mankha bini mang kwthwi. tabok kok swngmung wngkha , kebo da kubuni thaio apu das no bwtharwi aro tonwi kwlangkha hinwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
