Ek Bharat, Shrestha Bharat eba Ek Tripura, Shrestha Tripura swnamna thangkhe phereng tangbedekni yakumu belai no nangkukmani, jerok phereng tangbedek bai gwdaljak borok wngkha hoda ni Biswakarma. 2023 bisi ni osa mwtai ni salo haste ni lukorog no 24 hours phereng riwi prove khwlaiwi rikha phereng tangbedek, tei bisi kwtalo phereng tangbedekno teibu bwskango matwlangnai hinwi- Tangsalo Tripura State Vidyut Nigam Ltd ni 20 bisi pungsama salno kitingwi songchajak pandao manjagwi abohai no sakha haste ni phereng tangbedekni montri Ratan Lal Nath. Asalo kok narukna thangwi Renewable energy generation no twiwi kok sakha montri. Bo teibu sakha, thinango jephuru gas, koila tei habisingni sampad rok ni biyal wngphuru, ah jorao chini Renewable energy generation ni sakao depend wngna nangnai eba Sal no use khwlaiwi energy makhwlainai. Aboni bagwi tabokni simi no ready ma tongnai phereng tangbedek. Asalni pandao montri no karwi bo manjakha haste ni phereng tangbedekni secretary Abhishek Singh, Acting Manager Sarbjit Singh Dogra, Tripura Power Transmission Limited ni General Manager Ranjan Debbrma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
