Tripura haste ni thung kwrung o belai khe no deramwng o kwlai kha, swrang sal ni horo thwi thang kha ramnagar ni joto ni bwta MLA Surajit dutta. swrang sal ni horo kolkata ni kaisa besarkari sakham nogo paithak ni langma chokha haste ni kwcham montri Surajit datta eba Sunu dutta. kwdukma sal romwi no kidney bemar manjagwi sak rok hamya ungwi tong mani. kaham sak naikol mwng ni bagwi swrang salni phung o no kolkata o air ambulance bai twlang thang mani. swrang sal ni hor kwthug o no kaisa besarkari sakham nogo langma chokha bini. sangrong sal ni dipor o rastriya borom rwma ni logi o Surajit dutta ni mang kwthui tubwi phai kha agartala o. MBB airport ni simi Tripura bidhan sabha twlang thangkha bini mang kwthui, haste ni montri okra Dr.Manik saha tei haste pha Indrasena Reddy Nallu bo aro phawi manjak phai kha tei Tripura cabinet ni montri MLA song bo phai kha. phawi manjak phai kha haste ni kebeng nai bodol ni adong Animesh debbarma, salthang hangkor ni hangkor naikolnai Dr.Bishal kumar tei police super Kiran kumar k. khum bai khwlawi rastriya borom bai paithak ni borom rwkha kwcham montri eba tabuk ni MLA Surajit dutta no. bo thwi ma bai kha khamlai mwng yaphar kha montri okra Dr.Manik saha Joto samwng ni bwkhak twi kwchug o tongwi loku rok ni kha bising o thai rwjak kha, abo no ungkha MLA Surajit dutta. ramnagar ni joto loku rok ni bwta hwnui sini mwng manjak, bini paithak ni yatra o phawi manjak phawi sangrong salo abo hai khe no samani nukjak kha Tripura hapang ni pherang tang bedek ni montri Ratan lal nath.Tripura bidhana sabha tei mahakaran o rastriya borom bai borom rwjak mani ulo krishnagar ni bharatiya janata party ni sadar haba nogo twlang thang kha MLA Surajit dutta ni mang kwthui no.aro phawi manjak phai kha pradesh BJP ni achugphang Rajib bhattacharjee, montri okra Dr.Manik saha, pradesh BJP ni tangphang Amit rakhit, tangphang jwk Papiya dutta, salka Tripura loksabha achugthai ni dagiphang rebati mohon Tripura, agartala pura nigam ni mayor Dipak majumdar ni logi BJP ni joto samwng khwlai nai tei pura nigam ni councilor rok.haste ni kwcham montri eba thwi thang nai MLA Surajit dutta ni samwng bharatiya janata party mwitu ton nai hwnui saklai kha pradesh BJP ni achugphang Rajib bhattacharjee. Sunu dutta thwi mani o sangrong salo sal ni state mourning ni gosimwng rwkha Tripura haste hapang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
