Bisi brom ni hai khe no takwlai bisi o bo haste ni Dhaleshwar ni prantik club ni luajimung bai hati barsa ramwi prantik ter songchajakha. Tangsalo o ter no phiyogmani pandao thangwi manjakha Agartala municipal corporation ni mayor Dipak Majumder, pradesh BJP ni president Rajib Bhattacharya no khobui kubuni adongrok. Sal sini ni oh ter o kwbangma samung bwtangni yapri naharkha club ni adongrok. Asalni pandao club ni adongrok ni thani bini sak baithangni kok rok no sai khwna rikha pradesh BJP ni president. Bo sakha, Oh ter o health camp, yoga, achugwi rikdi, rwchapmung, mwsamungni bataimung tongo, aboni logi phekjaknai manwi ni yak kakjak hoda swnamnano twiwi Essay competition songchakhe kaham wngkha mo. Tei abono karwi bo teibu sakha amchaini jeswk self help group tongo, ah group ni bwkhak twi swnamjak kwbangma manwi khwnwi no phunukna bagwi kaisa koisu stall ni yapri naharkhe, joto lukorog no ah manwi khwnwi no twiwi kaham khe sawi manai. Khursathai kwlaio amchaino phekjaknai manwi ni yak kakjak swnamna bagwi nangkukmani yapri naharkha prantik club ni adongrok. Abohai khe no sak tharwi samung khwlaiwi tongo club. Asalni pandao kok narukna thangwi prantik club ni adongrok no borom rikha pradesh BJP ni president. Aboni logi Agartala municipal corporation ni thani koikha bo, phainai salo Agartala municipal amchai bai khokjak joto amchaino phekjaknai manwi ni yak kakrina bagwi je club rok yapri naharnai ah club rok no sokat rina bagwi koikha bo. Asalni pandao kok narukna thangwi Agartala municipal corporation ni mayor sakha, Ter kok meaning wngkha joto lukorog ni bisingo halok kwrwnglaimani kok. Tei oh prantik ter ni bising twi oh ter o manjakphainai rok bai tei club rok ni bisingo kaisa kwthalaimung halok swnamwi tongo. Aboni logi bo teibu sakha oh club ni kaisa kaham side wngkha, kwbangma mwtai ni simi chengsawi kwbangma pandao club ni bwrwi rok chubachu khwlainani bagwi bwskango phaio, abo naina thangkhe belai no borom ni kok. Bwrwi rok jadi mungsaswk panda no naikolna bagwi yapri naharkhe, ah club ni mung sakao kasanai no hinwi sakha mayor. Oh ter no kitingwi asalo club bwskango kwbangma lukorog phaiwi manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
