Swrang salo Loksobhao Regarding criminal law ni kaitham bill pass wngkha. Aboni yagulo 150 bisi kwcham Indian Penal Code, Indian Criminal Law tei Indian Evidence Act ni bill no swlaiwi, kubuni kaitham bill tubujakha. Asalo Loksobhao oh kaitham bill no kok tisakha union home minister Amit Shah. Phiyabha kebengnai bodol ni MP rok suspend khwlaijakmani bagwi asalo kebengnai rok aswk kwrwi hinwi no mano. Bo teibu sakha oh kaitham bill bharat no monini wansukmungni simi tikhalainai. Bo teibu sakha,
justice, Equality tei impartiality ni wansukmungno logi toniwi no oh kaitham bill no swnamjakha. Oh kaitham bill kerongni raidao thepajakhe hakotor rwgwi kaisa judicial system chengsajaknai. judicial system o Equality phainai. Bo sakha, Lalkella oh montri bokhorok Narendra Modi samani je, hakotor no Colonial Law ni yak makakrinai. Aboni yagulo 2019 bisi ni simi oh swlaimungni bothoma chengsajakha. Union home minister Amit Shah teibu sakha, British ni amol o oh law rok lukorog no naikolna bagwi swnamkha British ni tanghang rok. Oh law rok hakotor ni hamkrai ni bagwi khwlaijakya, British ni haphangno bowi tonina bagwi no oh law swnamjakha hinwi saimankha. Hakotor yoksamani yagulo oh law rok no swlaina nangmani. Oh kwtal lwa chini monini wansukmungno yak kakrinai. Constitution consciousness ni bagwi no oh law swnamjakha. Congress ni ojama Rahul Gandhi n yasi surwu bo sakha, jerok oh kwtal kaitham bill no tubunani nangya hinai rok, borok oh bill no bhuchiyakhu. Bo teibu sakha, kha-no phiyogwi tonikhe, India ni bwkha-no narukkhe, kaham no bhuchiwi manai. Phiyabha norok ni bwkha-jadi itali wngkhe, abono kono dino bhuchiwi mangwlak hinwi sakha bo. Bo teibu sakha, Constitution ni consciousness no bwskango toniwi no oh law swnamjakha, jetwikhe borok rok ni freedom oh bowi tonina bagwi, haste ni law & order oh joto boroni bagwi no law saman. Amit Teibu sakha, British amolni swkangno Bharatni hoda o justice ni raida choliwi tongmani, Aboni yagulo bo teibu sakha, kwbangma borok no oh kaitham bai thepajwknai. Union home minister teibu sakha, justice ni simi no satokjakmani wansukmung phaio. Satokmung rimani nasikmung wngkha victim no justice rimani, tei borok rok tei samung hamya ta khwlaithung hinmani se. oh kaitham bill naimwthang bodol tei lukorog ni bisingo kaisa halok toninai. Justice, equality tei neutrality no oh kaitham bill o thepajaknai hinwi saimankha. Aboni logi forensic science no bo oh bill oh thepajaknai.
Bangladesh ni habarno twi Joe Biden bai phone twi koksakha Modi
Sal nwi swkang Poland tei Ukraine o beraina bagwi thang mani montri bokhorok Narendra modi.hakotor o kiphilmani ulo no montri...
