Integrated tei stable development ni bagwi kendra tei haste ni bising o phan rwna ni bagwi niti ayog ni kaisa bodol kwrak salo sal tham ni bagwi beraina bagwi phaikha,Niti ayog ni ojama Dr.VK.Saraswat ni naikol mwng o ah bodol kwrak sal ni sanja jora montri okra ni sarkari tongthai nogo montri okra Dr.Manik saha bai niti ayog no twi achuglai mwng khwlai kha tei achuglai mwng o haste ni kaham hamkwrai ni bagwi bobo hai khe teibo phan rwna ni nang nai gosimwng nahar nai. achuglai mwng o montri okra Dr.Manik saha saklaikha, montri bokhorok Narendra modi sakha north-east ni hamkwrai ungya khe hakotor o bo hamkwrai ungalak.montri bokhorok ni sep baino haste o sakham, communication,information,technology ,tourism rogo kaham khe sep mankha.montri bokhorok north east ni hamkrai ni bagwi je samwng bwtang yago nahar kha abo no twi no haste hapang bo samwng khwlai tongkha, montri okra saklai kha, haste o teisa ruber, agar, waa, natural gas, anarash, thaipung ni logi teibo nangkuk mani manwi khwnui tong o.ayang phasing naharwi no haste hapang samwng khwlai tong kha. haste o kai dok lahar kotor tong o teibo kai bwrui lahar kotor ni bagwi kendraiya hapang no sakai jak kha. haste ni sakham nok GB tei IGM sakham rok ni logi hangkor tei bwkhaste sakham rogo bo kaham khe naikol mwng khwlai tong kha. dati khe saknaikol mwng ni sep rwna ni bagwi haste ni dal bidal hangkor sakham nogo trauma care center songsai rwjak kha. sakham naikol mwng ni bagwi haste o ytabuk kai nwi medical college, dental college,nursing college ni logi kwbangma sarkari tei besarkari sakham nok songhsai rwjak kha.achuglai mwng khwlawi kokthum thumnai rok ni bagwi montri okra saklai kha, haste no teibo kwchugo karwna ni bagwi niti ayog ni bagwi phai mani bodol bai kok salai nai. achuglai mwng o okra sachib JK.singha, Industry and Commerce tang bedek ni sachib Kiran gitye, rwng tang bedek ni sachub Raval hemendra kumar, sakham tang bedek ni sachib Dr.Sandip R.Rathor, montri okra ni sachib Pradeep kumar chakraborty ni logi dal bidal tang bedek ni samwng khwlainai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
