Agartala doly ni 9-Banamalipur bidhansabha kendra ni college tila ni 4 no lake ganani lama Bisi kolokma ramwi belai no hamya wngwi kwlaijak. Thanai 35-40 bisi ramwi swnamjakya tongmani oh lama. Aah lamao carrent pilar bo kwrwi, oh jora no samungo phwnangwi horo rogo phekjaknai manwi ni bania khwlaio hinwi saimankha. Dalbidal ni samung sitra rok bo aro no wngwi tongo hinwi koktwma o saimankha. Sarikphangni yagulo aah lama twi thanglaisu khwlainani bagwi belai no kha-kwlaijak amchaini lukorog. Andara gundara lama hamya wngmani bagwi kiri titing kebo kebo belai no aah lama twi himphuru sak rok bo dukhu mankha hinwi saimankha. Aboni bagwi sal kolokma ramwi amchaini lukorog ni sanmung wngkha aah lama no swnamwi rinani. Bisi kisa ramwi aah amchaini councillor wngkha Agartala city ni kwcham mayor eba yaksi bodol ni ojama Prafulla Singha. Kwcham Mayor ni sak baithangni ward wngmani yagulo bo oh jwngjal rok no mwthakna bagwi mungsa yapri naharkha Prafulla Singha. Abono twiwi lukorog ni kha-o kwbangma sungmung achaikha. Paithago aah lama no sap sutra khwlainani bagwi yapri naharkha Agartala 24 no ward ni councillor Sukunar Saha. Oh lama no twiwi Agartala ni municipal corporation ni mayor Dipak Majumder tei pradesh bjp ni president Rajib Bhattacharya no oh jwngjal ni kok swbai sukurwbwi sai khwna rimani yagulo no, aah lama no swnamna bagwi yapri naharkha Agartala municipal corporation. Lama kuwar khwlaiwi swnamjagwi tongo. Aboni logi carrent pilar bo thepajagwi tongo. Kwtal swnamwi rimani bagwi tei amchaini lukorog ni jwngjal no mwthagwi rimani bagwi amchaini lukorog ni bwkhak twi pradesh bjp ni president Rajib Bhattacharya tei Agartala municipal corporation ni mayor Dipak Majumder no hambai yapharkha 24 no ward ni councillor Sukumar Saha. Phainai 15 days ni bisingo no oh kwtal lama twi malkhung choliwi manai hinwi kha-khwlaikha corporator Sukumar Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
