malmata hamkwrai tang bedekni bwkhaktwi swrang salo rabindra bhavan oh kaisa pandani bisingtwi mukhya montri prani palan samman nidi mungwi kaisa samung bwtang chengsai rijak kha.ah salni pandao manjak kha malmata hamkwrai tang bedekni montri Sudhangsu Das, tang bedekni adong dr. Niraj kumar Chanchal , tang bedekni sachib B.S Mishra , agartala mi mayor Dipak Majumdar, salthang hangkhorni achukphang Hari dulal acharjee no khobwi kubuni adongrog. hasteni kwbangma thaio je lukurog malmata lirwi ajimung khwlaiwi tongo borogno rangni chubachu khwlaina bagwi h samung bwtang phiyogwi rijak kha hinwi saimankha. oh samung bwtang hasteni kwbangma thaini bebagwi 2900 jona lukurogni bank account oh 6000 rang rijak kha tang bedekni bwkhaktwi.kok narwkna thangwi montri sudhangsu das sakha , corona ni jorao kwbangma hakotorni lukurog kaham khe chamung rog manya wngwi thankha. phiya bharat haphangni hasteni lukurogno magna chamung rog bagwi rikha. ah salni pandao tang bedekni bwkhaktwi kwbangma lukurogni yakgo haphangni bwkhaktwi kaham sep rog bagwi rijak kha. lukurogi yakgo ah sep rogno yapharwi rikha montri sudhangsu das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
