1996 bisi ni 12 december ni salmario Kalyanpur bazar ni colony amchaio hor kwthogo bolong borok rok bai chopropjakha. Bolong borok rok ni goli bai nwi chi brwi borokni langma arikha. Aboni logi kwbangma borok rok ni tongthai nogno soksawi rikha bolong borok rok. Kwrak salo aah bolong borok rok bai bwtharjakmani nwi chi sini bisi pungsama salno kitingwi sahid wngnai rok no borom rimung panda songchajakha Kalyanpur Pramodnagar mondolni luajimung bai.Kalyanpur hatini Sonar tari mancha-o songchajakha asalni panda. Asalni pandao manjakha haste ni montri okra Dr.Manik Saha, pradesh BJP ni president Rajib Bhattacharya, Kalyanpur bidhansabha kendra ni MLA Pinaki Das Chowdhury, haste bidhansabha ni hujakphang eba teliamura bidhansabha kendra ni MLA-jwk Kalyani Saha Roy no khobui kubuni adongrok. Asalo kok narukna thangwi montri okra sakha, gundami, terror, tei rompherewi lukorog ni kha-no jitiwi manya. Phiyabha communist rok waire wai oh lamano no twiwi choliwi tongo. Hakotor ni je haste rogo communist ni haphang tongo, aah haste o santrash ni politice no bowi tonikha borok. Asalni pandao kok narukna thangwi hai no hai CPIM tei congress bodol kwthamano twiwi kolkha pradesh BJP ni haste president Rajib Bhattacharya. Bo teibu sakha, yaksi haphangni jorao Kalyanpur o jerok congress party khwlaio, borok kaham khe nogo ma tongya, yaksi bodol ni samung sitra tangnai rok congress bodol ni sipai rok ni nogno soksawi rio. Phiyabha tini ni salo aah congress tei cpim bodol rok kwthalaijak. Asalo sahid wngnai rok no borom yapharmani logi sahid wngnai nukhungni borok rok ni yagu compassion memorial yapharwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
