Santikali Ashram ni param pujja Shri shri Chitta Maharaj ni manjakmungo haste ni hamkrai ni bagwi Kasbeswari ama ni mondir o santi jagga tei mangal mwtai khwlaijakha. Kwrak salo aah mwtai o thangwi manjakha Bharatiya Janata party ni haste president Rajib Bhattacharya tei Kamlasagar bidhansabha kendra ni MLA-jwk Antara Deb Sarkar. Ek Tripura shresta Tripura swnamnani bagwi joto ni chubachu sanwi Kasbeswari ama ni thani surikha pradesh bjp ni haste president Rajib Bhattacharya. Koktwma thumnai rok ni bwskango bo sakha, hakotor ni montri bokhorok Narendra Modi ni twidulmung bai hakotor jetwi khe hamkrai ni bwkhak twi thangwi tongo, abohai khe no montri okra Dr.Manik Saha ni twidulmung bai haphangni joto hamkrai ni samung bwtangno mwkthang khwlaina bagwi sak tharwi samung khwlaiwi tongo haste haphang bo. Tongkwchangni boyer toniwi haste ni hamkrai ni jaggo oh haphangno chubachu khwlaina bagwi haste ni lukorog no koikha pradesh BJP ni president Rajib Bhattacharya. Kasbeswari ama ni mondir ni poskini no kwthar khwlaina bagwi poskini par-o ganga mwtai teo ganga arti khwlaikha Chitta Maharaj. Maha jagga ni bagwi poskini tuino twiwi ama mondir gorikha Kamlasagar bidhansabha kendra ni MLA-jwk Antara Deb Sarkar. Haste ni hamkrai ni bagwi Ama Kasbeswari ni thani surikha pradesh BJP ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
