Haste o BJP haphang phaimani yagulo 2020 bisi o kaisa yapri naharkha haste haphang. Aah yapri naharmani hai khe no 9 march 2018 bisi ni swkang haste ni beser beser ni lukorog thwngrwng hapharni hamya nobar bai chopropjagwi thwinai nukhungni borok rok no sebok ni sep sap rinani yapri naharkha. Abohai khe no 2020 bisi o kaisa sacrutini bodol swnamjakha. 2023 bisi o haste o BJP haphang phaimani yagulo 14 june o committee swbaiwi hai no hai kwtal committee swnamjakha. Aah scrutini committee ni chairman wngkha haste ni law & order ni montri Ratan Lal Nath. Oh committee no joto lukorog no sana bagwi no sangrong salo kaisa kokthum panda khwlaikha montri Ratan Lal Nath. Asalni kokthum pandao montri sakha, tabokswk jora scrutini committee ni thani 26 pitition joma kwlaikha tei scruti paimani yagulo aah 26 borok ni bisingo 15 borok no sebok rijakha haste haphang ni bwkhak twi. Aro ni bisingo khorok sini borok no hukumu mukumu tangbedek go, khorok sa kwchuk beremni rwng bedekgo, khorok nwi no primary rwng bedekgo, khorok ba no reveniew tangbedekgo sebok rijakha. Sangrong salo ahh comiittee ni kaisa panda songchajakha. Ahh pandao khorok tham no hai no hai sebok rinani bagwi yapri naharjakha. Khursathai kwlaio 2018 bisi ni swkang thwngrwng hapharni hamya nobar bai kwboljagwi je nukhungni borok rok ni langma arikha borok ni nukhungni borok ni bagwi kaisa form rijakha, tei aah form no SDM ni habanogo joma rina nangnai. Haste ni SDM habanogo magwna no form manwi tongo. Aah form no filup khwlaiwi joma marinai tei scrutini members rok cherwi naimani yagulo thwinai nukhungni borok rok no sebok rijaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
