Khoroktham montri ni resignation letter maniwi naharkha president Draupadi Murmu. Kai brwi haste bidhansabha chongmarini results sakhwlaimani yagulo resignation letter rikha Narendra Singh Tomar, Prahlad Singh Patel tei Renuka Singh. Narendra Singh Tomar Hukbar tangbedekni montri ni achukthai yakarmani yagulo, bini achukthaio barja mankha Arjun Munda. Indigenous development ni minister Arjun Munda tabokni simi kendriya hukbar tangbedekni barja no samoloknai. Abono karwi Food Processing ni Minister Prahlad Singh Patel ni achukthaino samoloknai Sobha Karandlaje. Indigenous development minister ni barja samoloknai Bharti Prabin Power. Madhyapradesh bidhansabha chongmario BJP ni wngwi bataikha Narendra Singh Tomar. 79 thousand ni sai kwbang vote manwi kwplai wngkha bo. Swrang salo loksobha o achukthai yakarkha bo. Bini achukthaio barja mankha Arjum Munda. Swrang salo bebagwi khorok chi MP rok achukthai yakarkha. Bjp ni ojama sakha, Rajasthan, Chattishghar tei Madhyapradesh o BJP ni wngwi batainai rok kwplai wngkha, Aro ni bisingo bisingo khorok chi MP achukthai yakarkha. Achukthai yakarkha Madhyapradesh ni Rakesh Singh, Udai Pratap Singh, Riti Pathak, Rajasthan ni Rajbardhan Singh Rathore, Dia Kumari tei Kilori Lal Mina, Chattishghar ni Arun Shao Gomati Shai
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
