“Modi tong khe joto samwng no ungwi thang o”.hakotor gwnagwi teisa khorang kasa kha montri bokhrok Narendra modi ni mwngui.2024 loksabha vote ni swkang joto ni naikol mwng tong mani Chhattisgarh, Madhya Pradesh, Rajasthan, Telangana tei Mizoram ni bidhan sabha vote.ah kaiba haste ni bising o Chhattisgarh, Madhya Pradesh, Rajasthan o khe BJP bodol no kwplai ung kha. ah kai tham haste o no kwbang kuk vote manwi hapang swnam nani nai tong kha bharatiya janata party. kai tham haste o kwplai ung mani abo montri bokhorok Narendra modi ni kaham samwng ni bagwi no kwplai ung kha hwnui sakha BJP ni adong tei montri rok. abo rok nukjak kha Tripura haste o bo.montri bokhorok no hambai yapharwi tong kha Tripura pradesh bjp. 6 agartala bidhan sabha kendra mandal ni haba nok ni luajimung bai rajakhor aguli o kwrak salo songsa jak kha kaisa bijoy michil. ah panda o phawi manjak phai kha bodol ni samwng khwlai nai rok, aro phai mani nukjak kha bharatiya janata party ni haste achugphang Rajib bhattacharjee tei pradesh BJP ni tangphang jwk Papiya dutta. rajakhor aguli ni GB.bazar ni simi chengwi aguli ni dal bidal lama berailai kha.’sabka sath,sabka sath’slogan baino samwng khwlai kha hwnui sakha pradesh BJP ni tangphang jwk Papiya dutta. Loku rok ni kok kahai samwng khwlai kha hakotor ni montri bokhorok Narendra modi.tong kosong loku rok bo logi rwkha montri bokhorok no. 2024 loksabha chongmari o kwbang kuk vote manwi waitham ni bagwi hakotor ni montri bokhorok ung nai Narendra modi, abo rok tabuk kaham khe no sai man kha, Narendra modi, Amit shah tei GP.Nadda borok ni samwng tabuk phano bharat hakotor o kwchug o kasa jak, bijoy michil khwlawi kwrak salo abo hai khe no sakha pradesh BJP ni achugphang Rajib bhattacharjee. Kwrak sal ni bijoy michil ni simi kebeng nai bodol congress ni phasing naharwi kok samani nukjak kha bharatiya janata party ni haste achugphang Rajib bhattacharjee no.saklaikha, Communists rok bai thansa ungwi loku rok no hamya kok rwoi tong kha congress ni adong song. Tripura haste no deramwng rogo khiklai tong kha borok. phiya ba Tripura haste ni loku rok sai mankha double engine ni hapang no loku rok ni kok wansugwi samwng khwlai oh. loksdabha chongmari ni swkang BJP ni abo hai khe kwbang kuk vote manwi kwplai ung mani bagwi teisa hakotor gwnagui slogan kasa kha,”modi tong khe joto samwng no ungwi thang o hwnui”.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
