Tripura haste ni tiprasa bosongni hamkrai ni bagwi haste haphang ni chubachu bai Dragon fruit khwlaiwi kaham profit manwi tongkha hukbar khwlainai rok. Teliamura bwkhaste bai khobjak Mungiakami block ni kaisa mura thaio bisi kolokma ramwi hukbar khwlaiwi nukhung khawi tongo kwbangma Tiprasa bosongni borok rok. Tabok hukbar khwlaimani logi logi haphangni projects ni bising twi rangthongni bwkhak teibu kaham wngnani bagwi chaitogwi tongo Tiprasa hukbar khwlainai nukhungni borok rok. Abohai no kaisa mangpili nogwi mankha Mungiakami block bai khobjak Bilaiham amchaio. Oh amchaio reang dophani 36 family rok tongo hinwi saimankha. Borok ni ajimungni lama wngkha huk khwlaimung. Hukbar khwlaimani bising twi no borok ni nukhung choliwi tongo. Tabok haste haphangni chubachu bai Tiprasa bosongni lukorog bo hukbar khwlaimani logi logi dragon fruit khwlaiwi sak baithangno bhachawi manani bagwi chaitogwi tongo. Dragon chass khwlainai khorok sa hukbar sakha, dragon fruit kainani bagwi haste haphangni bwkhak twi phwrwngjagwi tongo. Tei oh projects ni bising twi sak baithangno bhachawi manwi tongkha hukbar khwlainai rok tiprasa rok. Khursathai kwlaio, 1 thousand dragon bwsa kaikha hinwi sakha bo, tei phainai talsa talnwi ni yagulo bwthai kaham khe thainai. Aboni yagulo bwthai no hatio phalwi kaham profit wngnai hukbar khwlainai rok ni.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
