20 november eba tangsalo Bharatiya Janata Party ni 56-Dharmanagar mondol ni luajimung bai Dharmanagar central road ganani Netaji ni mangthong ganao kaisa panda songchajakha. Asalni pandao manjakha haste bidhansabha ni speaker eba Dharmanagar ni MLA Biswabandhu Sen, Dharmanagar municipal council ni chairman Pradyot Dey Sarkar, vice-chairperson Manju Nath, Dharmanagar mondol ni president Shyamal Kanti Nath, salgwra hangkhor ni BJP bodol ni pravary Bikash Sharma no khobui kubuni adongrok. Asalni pandao kok narukna thangwi bidhansabha ni speaker sakha 2023 bisi ni bidhansabha chongmario jerok congress-cpim bodol no vote riwi kwplai khwlaikha borok no hambai yapharkha bo. Ah chongmario BJP bodol kechenwi jadi cpim-congress bodol haphango phaikhe kwbangma lukorog ni nog swbai sokjakhamo hinwi sakha bo. Kwbangma thorok bosongni lukorog ni langma arikha kebengnai bodol rok ni bagwi. Paithago bo teibu sakha, BJP bodol hindu bodol ya, oh bodol joto ni hamkrai ni bagwi sak tharwi samung khwlaiwi tongo tei phainai salo bo khwlaiwi thanai. Asalni pandao 68 nukhungni 200 ni sai kwbang voters rok kubuni bodol yakarwi BJP bodol ni bana romkha hinwi sakha MLA Biswabandhu Sen.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
