Chasalni phungo Ama Tripureshwary mondir o mwtai rwikha Bharat hakotor ni rwchapkwrwng Kumar Sanu. Chasalo matabario bono lamsokha haste ni thanglaisu bedekni montri Sushanta Chowdhury, tei MLA Abhisheck Debroy. Ama ni ro mwtai rimani yagulo koktwma thumnai rok ni bwskango rwchapkwrwng Kumar Sanu sakha, phainai salo Ama Tripura sundari no twiwi rwchapmung rwchapna bagwi kha-ni muchungmano sai khwna rikha rwchapkwrwng Kumar Sanu. Aboni yagulo bo teibu sakha, sal kolokma ni kha-ni muchungma tini ni salo mwkthang wngkha, tini ama no mwtai rwi manwi belai no kha tongthokkha hinwi sakha bo. Swkango bo Tripura o phaikha bo, phiyabha ama rihinya ni bagwi mwtai riwi manliya. Phiyabha oh khebo ama bono rihinmani bagwi bo mwtai riwi mankha hinwi sakha. Aboni logi montri Sushanta Chowdhury koktwma thumnai rok ni bwskango sakha, swkangobo rwchapkwrwng Kumar Sanu haste o phaikha, ah jorao bo ama ni thani mwtai rina muchungjakmani, phiyabha ah jorao sep tei jora miliya ni bagwi mwtai riwi manliya. Phiyabha okhebo rwchapkwrwng Kumar Sanu no ama Tripura sundari mondir o tubuwi manmani bagwi belai no kha tongthokjakha montri Sushanta Chowdhury. Tei baisa bwkhak Kumar Sanu ama Tripura sundari mondir o mwtai rina phaiwi tongmani koktwma sai manwi, kwbangma lukorog aro thangwi sagwikha. Phiyabha rwchapkwrwng Kumar Sanu joto bai no kaham khwrwng khe koklam salaiwi, selfie rok naharkha lukorog bai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
