Phai tong nai Diwali no kitingwi hakotor ni montri bokhorok ni kok oh kasai phaikha self-reliant bharat ni kok.’Mann ki baat’panda oh bo saklaikha ‘Vocal for local’ ni kok rok bo.hakotor ni product eba amchai ni manwi khwnui ni bagwi bwskang o phai nani nang nai hakotor ni loku rok no.montri bokhorok Narendra modi ni’mann ki baat’106 episode panda nai mani ulo kokti salo abo hai khe no samani nukjak kha bharatiya janata party ni haste achugphang Rajib bhattacharjee .rajakhor khor aguli ni 8 no.town bordowali mondal ni 20 no.ward ni 16 no.booth ni samwng khwlai nai rok bai mann ki baat panda khwna kha.ah panda o phawi manjak phai kha 20 no.ward ni Corporator Ratna dutta ni logi ward ni samwng khwlai nai rok bo.ah salni panda ni simi hakotor ni bagwi jagaran ni kok rok bo sakha montri bokhorok.abo ni logi hakotor no mwthang na bagwi sikla hoda no kobok mwng khwlai na bagwi Sardar Vallabhbhai Patel ni achai mani sal no rwgui’My Young India’eba Mera juba bharat’ni mwngui motha songsa nani nai tong kha montri bokhorok Narendra modi.joto hakotor ni loku rok ni bagwi teisa montri bokhorok no hambai yaphar kha pradesh BJP ni achugphang Rajib bhattacharjee. montri bokhorok modi ni ah”Mann ki baat”panda ni bising twi saimano bharatiya rok.tei joto tal ni paithak ni kokti sal o mann ki baat khwna na bagwi nasingwi tongo hwnui saklai kha bharatiya janata party ni haste achugphang Rajib bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
