Belaino kwrwi nukhungo achaiwi kaham hamya sal nogwi phaikha montri bokhorok narendra modi. amoni bagwino 2014 bisio montri okra wngwi barja manphoroni simino belaino sak tharwi hakotorni kwrwi nukhungni lukurogni bagwi samung khwlaiwi tongo montri bokhorok modi. pradhan montri abhas yojna , ujjala gas yojna tei ashuman bharat hai kwbangma samuung bwtangni bisingtwino lukurogni hamkwraini bagwi samung khwlaiwi tongo montri bokhorok. kaisa yagulo tei kaisa samung bwtang naharwi tongo bo. montri bokhorokni phunukjak lamao himwino haste haphangbo samung khwlaiwi tongo. oh hasteni joto lukurogno kaham sep manthon hinwi ah phaisingo naharwino samung khwlaiwi tongo hasteni montri okra DR. manik saha ni haphang. mokkhya montri jana arogya yojnani bisingtwi lukurogni bagwi kaham samung khwlaiwi tongo montri okra. khursathai kwlaio hakotorni lukurogni sak hamni barjano yakchakgwino ashuman card swnamwi rikha montri bokhorok. tabok hasteni lukurogni bagwi kaham yapr naharwi mokkhya montri jana arogya yojna samung bwtangn yako nahar kha montri okra DR. Manik saha. oh samung bwtango lukurogno hamsamung rina bagwi bebagwi 59 crore rangni gosimung rijak kha hinwi koktwmao saimankha. pha salo pradesh bjp ni haba nogo songsajak kaisa kokthum pandao omo haino sakha haste bjp bodolni achukphang Rajib Bhattacharjee. bo teibo sakha , regular wngjak tei regular wngjakya haphangni joto sebok rogno osa mwtaini sabgwi bunas rijak kha . byte
sal kisa swkang agulio osa mwtaini pandal khamwi thapla chamano twiwi kok narwkna thangwi pradesh bjp ni achukphang sakha , joto raidano manioi osa mwtai khwlaina bagwi tei kaham khe naikulna bagwi saklai kha bo. ah salo pradesh bjp ni achukphangni logio tongkha bjp ni ojamajwk Papia dutta tei amit rakkhit no khobwi kubuni adong rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
