Phasalo ama osa mwtai mokol phiyogmani salo salgwra hangkhor o thangkha haste ni montri okra Dr.Manik Saha. Asalo bono lamsokna bagwi phaiwi manjakha Dharmanagar kendra ni MLA eba bidhansabha ni speaker Biswabandhu Sen. Bono karwi asalo phaiwi manjakha salgwra Tripura hangkhor ni achukphang Nagesh Kumar B, Hangkhor police Banupadh Chakroborty, kwcham MLAjwk Malina Debnath no khobui kubuni adongrok. Asalo puila no Dharmanagar Nayapara Kalimondir ni osa mwtai no nainani bagwi phiyogwi rikha montri okra. Aboni yagulo Dharmanagar town Kalibari o chati muchungwi mwtai nainai bagwi phiyogwi rikha bo. Aboni logi ama ni mondir o thangwi bo mwtai rikha bo. Paithago Dharmanagar Ram Krishna seva samiti ni osa mwtai no goriwi naikha montri okra. Asalni pandao manjagwi haste ni lukorog ni bagwi kok kwcharwi sakha bo, montri bokhorok ni twidulmung bai Bharat hakotor hayungni bwskango kaisa thai swnamkha. Tei montri bokhorok Narendra Modi ni twidulmung bai Tripura haste bo bwskango agugwi tongo. Aboni bagwi osa mwtai ni salo joto lukorog no kaham kwrwng tei khatung khaza ni bising twi naiwi manani bagwi ama osa mwtai ni thani surikha bo. Ama osa mwtai ni mokol phiyogmani salo montri okra Dharmanagar o thangmani bagwi amchaini lukorog belai no khatung khaza wnglaijak. Montri okra no ganao manwi belai no kha phurlaijak borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
